Битарты Вячеслав тæфæрфæс ракодта Аман Тулеевæн

Республикæйы сæргълæууæг Битарты Вячеслав тæфæрфæс ракодта Аман Тулеевæн, Кемеровойы стыр бæллæх кæй æрцыд, уый тыххæй. Тæфæрфæсы телы загъд ис: «Цæгат Ирыстоны разамынд æмæ республикæйы цæрджыты номæй уын кæнын зæрдæбын тæфæрфæс, "Зимняя вишня", зæгъгæ, базарадон центры зынгсирвæзт кæй æрцыд æмæ дзы бирæ адæм кæй фæмард, уый тыххæй. Адæймаджы зонд æй кæрдгæ дæр нæ кæны, фыдбылызы амæттæгтæ уыйбæрц сывæллæттæ кæй баисты». Битарты Вячеслав зæрдæлæууæн ныхæстæ арвыста, чи фæмард, уыдоны хæстæджытæн. Рынчындæттæм чи бахауд, уыдонæн та йæ зæрдæ зæгъы æнæниздзинад. Бафтаудзыстæм ма уый, æмæ Уæрæсейы ахæм стыр бæллæх кæй æрцыд, уый фæдыл Генпрокуратурæ бахæс кодта æгас бæстæйы дæр базарадон центрты куыст сбæрæг кæнын. Уæлдай цæстæнгас прокуратурæйы кусджытæ аздахдзысты, зынгсирвæзты ныхмæ тохгæнæн фæрæзтæ цас ахадгæ æмæ хъомысджын сты, уымæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv