Ахуырадон центр «Вершина»-йы сарæзтой æрвылазон теле-бастдзинад «Москва-Беслан - мы вместе»

Ахуырадон центр "Вершина"-йы сарæзтой æрвылазон теле-бастдзинад "Москва-Беслан - мы вместе". Ахæм хуызы скъоладзаутæ Беслæны фыццæгæм æмæ Мæскуыйы 1164-æм скъолатæй ныр æмбæлынц æртыккæгæм хатт. Фæсивæд æрымысыдысты 2004-æм азы цаутæ. Минут æдзæмæй алæугæйæ ссардтой террористон акты амæттæгты рухс нæмттæ. Ныхас кодтой ног проекттыл дæр. Ахæм æмгуыстады руаджы, Мæскуыйы скъолайы музейы байгом кодтой экспозици "Алани - сывæллæтты цæстытæй" - Цæгат Ирыстоны истори æмæ традициты тыххæй. Ирыстойнаг сабитæ дæр æй ныридæгæн федтой.