Куыстуат «Да» сси национ проекты архайæг

Куыстуат «Да»-йы уадзынц къалбæсты алы хуызтæ. Æрæджы сси национ проект «Производительность труда»-йы архайæг. Сæйрагдæр у – компани ног æмвæзадмæ ракæнын. Федералон специалисттæ сын æххуыс кæндзысты сæ гæнæнтæ уæрæхдæр кæнынæн, ифтонггæрзтæй æххæстæй пайда кæнын. Проекты руаджы æнæ хардзæй ис фæллойады бæрæггæнæнтæ æппынкъаддæр 5 проценты фæуæлдæр кæныны фадат. Фæнысан кæндзыстæм уый, æмæ Цæгат Ирыстон кæй ис, национ проекты чи архайы, уыцы 11 регионы 'хсæн. Фæнд кæнынц программæмæ 8 куыстуаты бахæссын. Архайджытæ хъуамæ дзуапп дæттой сæрмагонд домæндæн. Сæ æфтиæгты бæрц афæдзмæ хъуамæ 400 млн сомæй къаддæр ма уа.