Уымæн дæр гæнæн ис?

Уæрæсейы туристон Цæдис разы нæу, фæлладуадзджытæ сæхицæн цæрæнуæттæ кæй фæрцы агурынц, уыцы сайт Букинг сæхгæнынимæ. У нымад нæ бæстæйы туристты `хсæн æмæ йæ сæхгæнын знаггад æрхæсдзæн. Ахæм хъусынгæнинаг апарахат кодта уагдоны пресс-службæ. Уыцы фæндимæ фыстæг Уæрæсейы культурæйы Министрадмæ арвыста, туристон амалхъомдзинады цы хицæн адæймаг кусы, уыдонæй иу. Ома, дам, уый уыдзæн фæсарæнты санкцитæн дзуапп. Министрад та йæ туристты Цæдисы бар бакодта. Уым фыстæг райстой æмæ йæм лыстæг æркастысты. Амынд дзы куыд ис, уымæ гæсгæ Цæдисæй куырдтой сайты куыстмæ æркæсын æмæ сын æй бауромын. Фæлæ туризмы Федералон агентадмæ, куыд рабæрæг, афтæмæй Букингыл ахадынмæ пълæнттæ нæй. Афтæ - закъоныл æнцайгæ бартæ дæр. Уæдæ Уæрæсейы культурæйы Министрад дæр хъуыддагыл фæстæдæр йæхи атигъ кодта, ма, дам, ныл хахуыртæ кæнут, зæгъгæ. Туристты агентадмæ цæмæн бахатыдысты, зæгъгæ, фарстæн министрады радтой бæлвырд дзуапп. Закъонмæ гæсгæ, дам, нын цы `мбæлдис, уый бакодтам. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv