Хъæды хæдзарады кусджытæ сарæзтой рейд Горæтгæрон районы хъæдтыл

Цæгат Ирыстоны хъæды хæдзарады кусджытæ абон сарæзтой рейд Горæтгæрон районы. Сбæрæг кодтой, хъæды бæлæстæ цы уавæры сты, уый. Уæлдай æргом аздæхтой заз бæлæстæм. Ацы рæстæг сæм уæлдай цæстард хъæуы, уый тыххæй æмæ бæрæгбæттæм бирæтæ æнæсæрфат митæ кæнынмæ сæ ныфс бахæссынц. Уый та закъонхæлд у. Хъуыддаг æвзæры рдæм ма руадзыны тыххæй, сæрмагонд службæтæ цæуынц ахæм басгæрсты. Нæ республикæйы хъæды хæдзарады кусджытæ абон сæхи райсомæй райдыдтой цæттæ кæнын ацы балцмæ. Æмæ сын фыццаг хатт нæу. Ацы адæм иу æмæ дыууæ хатты нæ басгæрстой хъæдтæ. Сæ хæс у, куыд æмбæлы, афтæ зилын, хъæды цы бæлæстæ зайынц, уыдонмæ. Хъæдмæ сæрмагонд домæнтæм гæгсæ зилын хъæуы, зæгъынц хæдзарады кусджытæ. Æрмæст бæлæсты хъæрзхъæдзинады уавæрмæ нæ хъæуы кæсын, фæлæ ма сæ адæмæй дæр арæх хъахъхъæнын бахъæуы. Дзæуджыхъæуы хъæд хъахъхъæнæн хæдзарады хистæр инспектор Засеты Омар нын куыд радзырдта, афтæмæй уый сæумæ райсомæй рацæуы Хъæрмæдоны хъæдмæ, бæлæстæ цы уавæры сты, уый фенынмæ. Ныртæккæ Дзæуджыхъæуы хъæд хъахъхъæнæн хæдзарады фæллой кæнынц бирæ кусджытæ. Алкæмæн дæр ис йæхи хæс. Сæрмагондæй ацы адæм кæсынц Джызæл, Майрамадаг æмæ Дзуарыхъæуы хъæдтæм. Зæгъæн ис, æмæ уыдон аудыныц алы бæласыл дæр. Заз бæластæ цæуынц уæлдай хъахъхъæд. Бæлас чи акала, уымæ та æнхъæлмæ кæсы ивар 3500 сомы бæрц. Уымæй уæлдай ма бафидын хъæудзæн   уæлæмхасæн фæрæзтæ, хъæды хæдзарадæн знаггады ракæнд кæй æрцыд, уый тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv