Хъууонхæдзарадон хæстæ

Цæгат Ирыстон хъæууон хæдзарадæн цы паддзахадон æххуыс хъуамæ ракодтаид, уый æххæстæй къухы нæ бафтыд. Кæцыдæр къабæзты та ма уæлæмхасæн куысты бынæттæ дæр не скодтой. Уый тыххæй фехъусын кодта хъæууон хæдзарад æмæ хойраджы министр Уазиты Хъазыбег, гæртæмтты ныхмæ тохы фæдыл цы `мбырд сарæзта, уым. Зæгъæм, 2015-æм азы хъуамæ фæзындаид 15 куысты бынаты, 2016 азы та - 29. Уый хауы уыцы амалгæнджытæм, паддзахадон æххуыс чи райста, фæлæ йæ хæстæ ауæгъдæй кæмæн баззадысты. Уагæвæрд кæй фехæлдтой, уый тыххæй нæ республикæйы бюджет хъалонтæй фæцух. Министры хъуыдымæ гæсгæ, гæххæттытæм хъæуы ногæй æркæсын. Хъуамæ сбæлвырд уа, цал кусæн бынаты нæм фæзындаид æмæ цавæр рæстæджы æмгъуыдмæ. Хицауады сæрдар Тускъаты Таймураз фæнысан кодта, цы фæрæзтæ радих кæнынц, уыдон дзæгъæлы хардз кæнынмæ йæ былыцъæрттæ цæмæй мачи хæра. Йæ ныхæстæм гæсгæ, паддзахадон æххуыс чи агуры, уыдоны номхыгъдмæ хъæуы биноныгдæрæй хъус æрдарын. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv