Кинозалтæ æмæ сывæллæты хъазæн агъуыстытæ базарадон центрты раивдзысты фыццаг уæладзыгтæм

Ахæм закъоныл ныридæгæн кусы Паддзахадон думæ. Ног домæн фехъусын кодта Паддзахадон думæйы æдасдзинады æмæ корупцийы ныхмæ тохы хайады сæрдары хæдивæг Анатолий Выборный. Уымæй уæлдай ма, фæкарздæр кæндзысты æдасдзинады домæнтæн дзуапп чи нæ дæтты уыдоны æфхæрд. Уый размæ Паддзахадон думæйы дупетаттæ Евгений Ревенко, Дмитрий Сазонов æмæ Юрий Швыткин балæвæрдтой курдиат арæзтадон æмæ цæрæнуæтты комуналон хæдзарады министрадмæ цæмæй базарадон центрты кинотеатртæ æмæ хъазæн фæзуаттæ дыккаг уæлыдзыгæй уæлдæр ма аразой. Ног домæн хаудзæн ныртæккæ цы базарадон центртæ аразынц, уыдонмæ. Рагæй чи кусы, уыдонæн та бар ратдзысты дарддæр кусын, æдасдзынадмæ уæлдай цæстæй куы нæ кæсой, уæд. Бæлвырддæр ивддзинæдтæм æркæсдзысты 4 апрелы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv