Йе `нæниздзинад цудыд кæмæн у, 65 мин ахæм адæймаджы чысыл цухæй, райсдзысты Социалон фонды уылты фиддонтæ. Закъонмæ гæсгæ сын æмбæлы æртæ хуызы пенсийы: паддзахадон, фæдзæхстадон æмæ социалон. Уымæй уæлдай, райсæн ис æрвылмæйон æхцайы фиддон. Социалон лæггæдтæй спайда кæнæн уыдзæн компенсацийы хуызы дæр. Уырдæм хауынц хъæугæ хостæ, санаторимæ путевкæ, кæнæ электричкæты лæвар цыд. Адæймаджы ахæм æххуыс куы нæ хъæуа, уæд æй исдзæн æхцайæ. Мадæлты капитал кæмæ æмбæлы, уыцы бинонтæ æххуыс райсынц хъыгдæрд æнæниздзинадимæ сывæллæтты реабилитаци кæнæ адаптацийæн. Ахæм сывæллæттæн сæрмагонд товартæ исгæйæ, фиддон баххæст кæны аргъы кæцыдæр хай. Зæгъæм, хуыссæнуат, æргъæвæн, кæнæ сæрмагонд бандæттæ æлхæнгæйæ.