Цæгат Ирыстоны грант «Агростартап» ныр райсæн уыдзæн хæдзарон мæргътæ

Грант «Агростартап» ныр Цæгат Ирыстоны райсæн уыдзæн хæдзарон мæргътæ дарынæн. Ахæм уынаффæ рахастой республикæйы хицауады æмбырды. Уый хæдзарон мæргътæ дарыны куыстыл хуыздæрырдæм фæбæрæг уыдзæн. Регионы мæргъты дзидзайы кондады бæрц дæр фæфылдæр уыдзæн. Республикæйы хъæууон хæдзарад æмæ хойраджы министр, Уазиты Хъазыбег куыд фæбæрæг кодта, афтæмæй ведомствæмæ арæх цæуынц курдиаттæ, мæргъты куыст чи кæны, уыдонæй. Хицауады æмбырды ма æрныхас кодтой, хъæууон-хæдзарадон зæххытæм чи хауы, уыдоны хыгъды ивддзинæдты тыххæй дæр. Ивддзинæдты руаджы фадат уыдзæн, бизнес-проекттыл кусгæйæ, зæххы фæзуæттæ фæфылдæр кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv