«Манежы» ацыд спортивон спартакиадæ

Республикæйы фæсивæдон политикæ, физкультурæ æмæ спорты комитеты хъæппæрисæй Дзæуджыхъæуы ацыд спортивон спартакиадæ. Ерысты архайдтой Дзæуджыхъæуы скъолатæй 33 командæйы. Æдæппæтæй 500 сывæллонæй фылдæр. Уæлахиздзау суæвыны тыххæй спортсментæ æрæмбырд сты «Манежы» галуаны. Спартакиадæйы æвзонг лæппутæ æмæ чызджытæ æрмæст сæ тыхтæ не `взæрстой, фæлæ ма ссардтой сæхицæн хæлæрттæ дæр. Ахуырдзаутæ сæ арæхстдзинад æвдыстой цалдæр дисциплинæйы: бæндæн ивазынæй, гæпп кæнынæй æмæ дугъы уайынæй. Программæ æххæстгонд цæудзæн æртæ мæйы дæргъы. Скъоладзаутæ ма сæ тыхтæ бавзардзысты баскетбол, волейбол, футбол, мас-рестлинг æмæ æндæр спорты хуызтæй. Архайынц дзы 5-æм къласæй 11-æм къласы онг ахуырдзаутæ. Уæлахиздзауты схорзæхджын кæндзысты кубоктæй, майдантæй æмæ зæрдылдарæн лæвæрттæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv