Уæрæсейы Пенсион фонд нымæцон хуызмæ раивта бæстæйы цæрджыты фæллойадон чингуытæ

Уæрæсейы Пенсион фонд нымæцон хуызмæ раивта бæстæйы цæрджыты фæллойадон чингуытæ. Уый фæдыл журналисттæн фехъусын кодтой кусæндоны пресс-службæйæ. Фæллой æмæ социалон хъахъхъæнынады министрады уыцы-иу рæстæг фæбæрæг кодтой, æмбæлгæ закъоны проект Уæрæсейы Паддзахадон Думæмæ уалдзыгон сессийы кæронмæ кæй бахæсдзысты. Афтæмæй, гæнæн ис, æмæ йæ тыхы бацæудзæн иннæ азы январæй фæстæмæ. Уæвгæ, экспертты хъуыдымæ гæсгæ, паддзахады бон æххæстæй нæма у фæллойадон чингуыты гæххæттын хуызыл къух сисын. Куыстуæттæ, дам, ног хъæппæрисмæ цæттæ нæма сты. Уæ зæрдыл уын æрлæууын кæндзыстæм, фыццаг хатт журналисттæн нымæцон хуызы фæллойадон чингуытыл фароны 28-æм июны сдзырдта Хицауады сæрдар Дмитрий Медведев. Ныртæккæ министрты къорд разæнгардæй кусы уыцы хъуыддагыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv