Уæрæсейы туризмы комитет байгом кодта «Мы вместе. Туризм», зæгъгæ, ног программæ

Уæрæсейы туризмы комитет байгом кодта «Мы вместе. Туризм», зæгъгæ, ног программæ. Туроператортæ æмæ фысымуæтты хицæуттæ туристтæн бацæттæ кодтой асламдæр æмæ цымыдисагдæр балцвæдтæ. Ног программæйы фæрцы мидæггаг туризм Уæрæсейы парахат кæндзæн. Фенæн дзы уыдзæн нæ бæстæйы баулæфæн кæм ис, ахæм зæрдæмæдзæугæ бынæттæ. Уымæй уæлдай, туристон инфраструктурæйы рæзты фæдыл проекттæ баххæст кæнынæн Ростуризм регионтæй исы курдиæттæ. Бадæттæн сæ ис 5-æм апрелмæ. Кæронбæттæны сбæлвырд уыдзысты, финансон æххуыс кæмæн бакæндзысты, уыцы субъекттæ. Гранты бæрц, 3-йæ 10 млн сомы онг, уыдзæн проектæй аразгæ. Æдæппæтæй бюджеты уыцы мадзæлттæн æвæрд ис 3 млрд 500 млн сомы. Æхцайы фæрæзтæй фæнд кæнынц æппынкъаддæр 800 проекты сæххæст кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv