Курорт Мамысон снысан кодтой сæрмагонд экономикон зонæйæ

Курорт Мамысон снысан кодтой сæрмагонд экономикон зонæйæ. Ныр инвестортæн фæзындзæн сæрмагонд гæнæнтæ. Ууыл абон æрныхас кодтой Уæрæсейы хицауады сæрдар Дмитрий Медведев æмæ нæ республикæйы сæргълæууæг Битарты Вячеслав. Фембæлд уыд Мæскуыйы. Дмитрий Медведевы ныхæстæм гæсгæ, æппæт хъæугæ гæххæттытæ Уæрæсейы хицауад бацæттæ кодтой, ныр хъуддагмæ дарддæр хъуамæ æркæсой республикæйы. Дмитрий Медведев ма куыд фехъусын кодта, афТтæмæй объект аразынæн 2020 азы паддзахад рахай кæндзæн уæлæмхасæн фæрæзтæ. Бæлвырддæр дзургæйæ та, иу миллиард æмæ æхсæз сæдæ мин сомы. Фæнысан ма кодта уый, æмæ ацы аз республикæйæн рахай кодтой сæдæ милуан сомы проектон-сметон документацийæн. Битарты Вячеслав бузныджы ныхæстæ загъта Уæрæсейы хицауады сæрдарæн, æмæ йын фехъусын кодта, Мамысон куы саразой, уæд дзы кæй уыдзæн 3 мин куысты бынаты. Нæ республикæйæн та ацы фарста у ахсджиаг. Уымæй уæлдай ма хъалонты фиддонтæ дæр дзæвгар фæфылдæр уыдзысты, республикæмæ та цæудзæн фылдæр туристтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv