Центримæ бастдзинад

Битарты Вячеслав архайдта Уæрæсейы хъахъхъæнынады министр Сергей Шойгуимæ арæзт селекторон æмбырды. Республикæйы сæргълæууæг фехъусын кодта, æфсæддонты сывæллæттæн рæвдауæндæтты бынæттæ цавæр фæткмæ гæсгæ дæттынц, уый тыххæй. Министры базонгæ кодта сывæллæтты патриотон змæлд «Юноармия»-йы архайдимæ дæр. Ныртæккæ Цæгат Ирыстоны рæвдауæндæтты рады лæууынц 400 сывæллоны, се `хсæн Уæрæсейы хъахъхъæнынады министрады кусджыты сывæллæттæ дæр. Цæмæй номхыгъд къаддæр кæна, уый тыххæй рæвдауæндæтты фæзындзысты уæлæмхасæн бынæттæ, суанг ма сын ног бæстыхæйттæ дæр араздзысты. Иннæ аз байгом кæндзысты 280 бынатæн рæвдауæндон. Хуссар Æфсæддон Зылды къамандæгæнæджы уынаффæмæ гæсгæ, ныртæккæ уал аразынц 300 бынатæн рæвдауæндон. Афæдзы кæронмæ хъуамæ уа цæттæ. Ацы аз ма фæуыдзысты Мæздæджы рæвдауæндоны арæзтад. Бынат дзы уыдзæн 230 сывæллонæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv