Цæгат Ирыстон архайы инвестицион форум «Сочи-2019»-ы

Абоны сæйраг хъусынгæнинаг – Сочийы инвестицион форум. Байгом абон æмæ цæудзæн дыууæ боны. Форумы сæйраг хъуыды – «Национ проекты стратеги æмæ йæ ахадындзинад». Форумы уазджытæ уыдзысты федералон æххæстгæнæн оргæнты разамонджытæ, регионты минæвæрттæ, уæрæсеаг æмæ фæсарæйнаг амалхъом адæм, наукон æмæ экспертон æхсæнады уæнгтæ. Се `хсæн уыдзысты Цæгат Ирыстоны минæвæрттæ дæр. Сæ сæргъы Битарты Вячеслав. Зæгъын хъæуы уый, æмæ ацы аз форумы Цæгат Кавказæй архайы æрмæст дæр нæ республикæ. Цы проекттæ дзы æвдисæм æмæ дзы уæлдай цæстдард цавæр къабазмæ зæдæхт цæуы, уый тыххæй нæ дарддæры æрмæг Сочийæ. Цæгат Ирыстоны стенды раз – Уæрæсейы хицауады сæрдар Дмитрий Медведев. Премьеры æрбамбæлд абон æппæты ахсджиагдæр хъуыддаг, у. Битарты Вячеслваæй зонгæ кæны республикæ форуммæ цы проекттæ бацæттæ кодта, уыдонимæ. Сæ иу у-донпырхгæнæн машинæ. Техникæйæ пайда кæндзысты хъæууон хæдзарады къабазы. Дмитрий Медведевы базонгæ кодтой рухсдæттæн техникæ рауадзыны проектимæ. Куыстуат уаддзæн хæрзхъæд продукци. Уыимæ ма йе руаджы куыситы бынæттæ ссардзысты 300 адæймаджы. Æдæппæтæй нæ республикæ бацæттæ кодта 32 проекты алыхуызон къабæзты: æнæниздзинад хъахъхъæныны, промышленность æмæ хъæууон хæдзарады. Ацы аз уæлдай æргом æздахынц туризммæ. Республикæ бацæттæ кодта æрвылазон комплекс Мамысоны проект дæр. Уый руаджы арæзт æрцæудзæн туристон инфраструктурæ. Уыдзæн дзы улæфынæн фадат афæдзы алы рæстæг дæр. Дзуапп дæтдзæн æппæтдунейон домæнтæн. Проектты пайдайы тыххæй Дмитрий Медведев æрныхас кодта регионты сæргълæуджытимæ пленарон æмбырды. Ацы аз Цæгат Ирыстон инвестицион форумы бафыста цалдæр бадзырды. Баст сты æнæнниздзинад хъахъхъæныны къабаз æмæ адæмы царды уавæртæ хуыздæрырдæм аивыны фарстатимæ. Бадзырдтæй иумæ гæсгæ арæзт æрцæудзæн машинæтæ æмæ технологон станци «Ирафское», зæгъгæ. Уый ратдзæн фадат тыллæг æмбырд кæнынæн хъæууон-хæдзарадон техникæ балхæнын. Æдæппæтæй Сочийы форумы сæ проекттæ равдыстой Уæрæсейы 40 регионы. Форумы фыццаг бон кæронмæ æрхæццæ. Форумы фæлгæты ма уыдзæн ма цалдæр ахсджиаг фембæлды. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv