Æхсæнадон транспорты куысты фæдыл регионы разамонæг Сергей Меняйло сарæзта сæрмагонд æмбырд
Æхсæнадон транспорты куысты фæдыл регионы разамонæг Сергей Меняйло сарæзта сæрмагонд æмбырд. Архайдтой дзы бæлццæттæласæг куыстуæтты минæвæрттæ дæр. Профилон комитеты сæрдар Солиты Тариэлы ныхæстæм гæсгæ, ныртæккæ Цæгат Ирыстоны ис 156 муниципалон, муниципалитетты 'хсæн æмæ регионты 'хсæн маршруты. Муниципалитетты 'хсæн цæуæг 66 маршрутæй 45-æн ис социалон нысаниуæг. Субсидитæ сын рахай кæнынц республикæйы бюджетæй. Куыд ма рабæрæг, афтæмæй "Газель" маркæйы хи транспорт цæуы 20 маршрутыл. Эксплуатацийы сты 10 азæй фылдæр. Цæмæй транспортон лæггæдты хæрзхъæддзинад фæхуыздæр уа, уый тыххæй 2023-æм азы уæлæмхасæн снысан кодтой 6 маршруты. 2022-æм азы республикæ лизингæй балхæдта 40 автобусы. Уый муниципалитетты 'хсæн маршруттæн. Раздæр та ма бантыст регионты 'хсæн 11 маршруты автопарк сног кæнын. Докладмæ байхъусгæйæ, Сергей Меняйло фæнысан кодта, ног автобустæ самал кæнгæйæ дæр æхсæнадон транспорты куыстмæ бындурон ивддзинæдтæ бахæссын кæй хъæуы.
Æхсæнадон транспорты куысты фæдыл регионы разамонæг Сергей Меняйло сарæзта сæрмагонд æмбырд. Архайдтой дзы бæлццæттæласæг куыстуæтты минæвæрттæ дæр. Профилон комитеты сæрдар Солиты Тариэлы ныхæстæм гæсгæ, ныртæккæ Цæгат Ирыстоны ис 156 муниципалон, муниципалитетты 'хсæн æмæ регионты 'хсæн маршруты. Муниципалитетты 'хсæн цæуæг 66 маршрутæй 45-æн ис социалон нысаниуæг. Субсидитæ сын рахай кæнынц республикæйы бюджетæй. Куыд ма рабæрæг, афтæмæй "Газель" маркæйы хи транспорт цæуы 20 маршрутыл. Эксплуатацийы сты 10 азæй фылдæр. Цæмæй транспортон лæггæдты хæрзхъæддзинад фæхуыздæр уа, уый тыххæй 2023-æм азы уæлæмхасæн снысан кодтой 6 маршруты. 2022-æм азы республикæ лизингæй балхæдта 40 автобусы. Уый муниципалитетты 'хсæн маршруттæн. Раздæр та ма бантыст регионты 'хсæн 11 маршруты автопарк сног кæнын. Докладмæ байхъусгæйæ, Сергей Меняйло фæнысан кодта, ног автобустæ самал кæнгæйæ дæр æхсæнадон транспорты куыстмæ бындурон ивддзинæдтæ бахæссын кæй хъæуы.