Хуссар Ирыстоны байгом уыдзæн, хъæдæрмæгимæ кæм кусдзысты, ахæм куыстуат

Хуссар Ирыстоны байгом уыдзæн, хъæдæрмæгимæ кæм кусдзысты, ахæм куыстуат. Проект æххæст кæндзысты уырыссаг инвесторы фæрцы. Ног бæстыхай сараздзысты Цхинвалмæ хæстæг. Комбинаты арæзтадæн рахай кæндзысты 325 милуан сомы. Фыццаг продукци рауадзын вæнд кæнынц августы мæй. Раздæр уал куыстуат мæймæ уадздзæн фæйнæджы мин кубометры. Фæстæдæр сæ хъомыс дыууæ хатты фæфылдæр уыдзæн. Араздзысты дзы хъæдæй конд дзауматæ, паркет æмæ еврофæйнæджытæ. Продукци экспортмæ æрвитдзысты Уæрæсе æмæ Сиримæ. Хуссар Ирыстоны фадæн ис æрмæстдæр тæрс бæлас. Æхсæр, каштан, хих бæлæсты хуызтæм æвналæн нæй. Ахæм комбинаты руаджы фæзындзæн куысты 70 ног бынаты. Уыимæ хъалонты фæрцы фæхъæздыгдæр уыдзæн республикæйы бюджет. Ног специалисттæ бацæттæ кæныны хæс дæр йæхимæ райста инвестор. Дыууæ азмæ Хуссар Ирыстоны кусын райдыдтой æртæ инвесторы Уæрæсейæ. Иу 100 милуан сомæй сарæзта дыргъдон æмæ кæны фæткъуыты куыст. Иннæ Знауыры районы 150 гектарыл ныссагъта æхсæры бæлæстæ. Цы тыллæг æрзайын кæнынц, уый ауæй кæнынц Уæрæсемæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv