Уырыссаг академион театр сæхгæдтой сæ сезон цымыдисаг премьерæйæ. Театрдзауты размæ рахастой спекталь «Чужая жена и муж под кроватью». Равдысты режиссёр Искандер Сакаев дзуры ахсджиаг фарстатыл. Срæсугъд æй кодта зындгонд музыкæйæ. Маст, зындзинад æмæ, кæй зæгъын æй хъæуы, уарзондзинад. Æппæт ацы æнкъарæнтæ актертæн хорз уайы ӕвдисын. Уырыссаг театры уыд аншлаг. Сценæйыл, рагæй кæмæ æнхъæлмæ кастысты, ахæм премьерæ. Достоевскийы радзырдмæ гæсгæ спектакль «Чужая жена и муж под кроватью». Режиссёр - камерон драмон театр «Левендаль»-ы аивадон разамонæг Искандер Сакаев. Сæйраг хъайтар бахауд æнахуыр цæуты. Йæ бинойнагмæ йæ зæрдæ æхсайы. Хаты йӕм фæлитой митæ. Музыкалон партитурæйы хъуысынц зындгонд оперæтæ «Отелло» æмæ «Дон Жуан»-æй скъуыддзæгтæ. Спектаклыл куыстой дыууæ мæйы. Нæлгоймаг æмæ сылгоймаджы ахастдзинæдтæ, бинонты хæлардзинад. Ацы фарстатæ ахсджиаг сты абон дæр. Театрдзаутæ режисеры куыстæн скодтой стыр аргъ. Афтæ Вахтанговы номыл уырыссаг театр сæхгæдтæ йæ сезон. Зæгъын хъæуы уый, æмæ равдыстой дыууæ хатты. Ӕмӕ дыууæ хатты дæр залы къах айсӕн нæ уыд.