Хуыгаты Аланы снысан кодтой республикæйы физкультурæ æмæ спорты министрæй

Цæгат Ирыстоны физкультурæ æмæ спорты министр ссис Хуыгаты Алан. Абон æй уагдоны кусджытимæ базонгæ кодта вице-премьер Азымты Иринæ. Бафтаудзыстæм ма уый Хуыгаты Алан уыд республикæйы парламенты национ политикæ æмæ фæсивæды хъуыддæгты фæдыл комитеты сæрдар. 2018 азæй нырмæ куыста Уæрæсейы иугонд комæндæйы хистæр тренерæй грекъаг-ромаг хъæбысхæцтæй. Хуыгаты Алан у 2012 азы Лондоны Олимпаг хъæзтыты чемпион æмæ 2011 азы Европæйы чемпионаты æвзист майданы хицау. Уыимæ ма у Уæрæсейы спорты сгуыхт дæсны. Хорзæхджынгонд у Хæлардзинады орден æмæ Президенты кады гæххæтæй. Министрады ног разамонæг куыд бафиппайдта, афтæмæй спорты хуызты райрæзтыл хъæуы бæстонæй кусын. Хуыгаты Алан, РЦИ-Аланийы физкультурæ æмæ спорты министр: «Спорты æнтыстджынæй архайын хорз хъуыддаг у. Фæлæ сæйрагдæр у фæсивæды хъомылад. Спорты уæлдæр къæпхæнтæм æрыгон адæм куы схизынц. Уæд спортивон карьерæйы фæстæ сæ бон сæхи царды фæндагыл ссарын нæ вæййы. Нæ хæс у цæмæй сæм фæкæсæм. Кæм тренеры куыстæй , кæм та хъомылгæнæджы». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv