Цæгат Ирыстоны пъæлицæйæгтæ рабæрæг кодтой, наркотиктæ чи уæй кодта, ахæм закъонхалæджы

Цæгат Ирыстоны пъæлицæйæгтæ рабæрæг кодтой, наркотиктæ чи уæй кодта, ахæм закъонхалæджы. Бæлвырддæр та фыдгæнæгмæ ссардтой героины тыхтон. Баурæдтой йæ Чермены фæндагыл, рейды рæстæг. Разынд æм наркотикты 5 тыхтоны, сæ уæз 116 грамм. Эксперттæ куыд сбæрæг кодтой, афтæмæй 29-аздзыд нæлгоймагæн уыцы тыхтæттæй йæ бон уыд скæнын 1 мин дозæйæ фылдæр. Барадхъахъхъæнæг оргæнтæ куыд сбæрæг кодтой, афтæмæй хæдбар паддзахадты æмхæларады цæрджытæй иу наркотиктæ ласта Цæгат Ирыстонмæ. Ам-иу сæ бамбæхста бæрæг бынæтты, цæмæй сæ уырдыгæй уый фæстæ райса, чи сæ æлхæдта, уыдонæн. Фыдгæнæджы ныхмæ байгом кодтой уголовон хъуыддаг. Уголовон кодексы 228-æм уац «Æнæзакъонæй наркотикон буаргъæттæ парахат кæныны тыххæй». Слестгæнджытæ дарддæр сæ куыст кæнынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv