Уæрæсейы гвардийы, Цæгат Кавказы авиаполк сбæрæг кодта йæ 25 азы юбилей

Уæрæсейы гвардийы Цæгат Кавказы зылды авиаполкы равзæрдыл 25 азы кæй сæххæст, уый тыххæй кадджын мадзæлттæ сарæзтой Мæздæджы аэродромы. Арфæйы ныхæстæ æфсæддонтæн ракодта Цæгат Кавказы æфсæддон зылды национ гвардийы командыгæнæджы хæдивæг Владимир Майстренко æмæ аивацийы булкъон Сергей Заварзин. Кадджын уазджытæ уыдысты ветерантæ æмæ Уæрæсейы гвардионты бинонтæ. Мадзалы фæлгæты æфсæддонтæ æмрæнхъ æрлæууыдысты, сæ рæгъмæ рахастой Уæрæсейы гвардийы æфсæддон тырыса. Стæй, йе`фсæддон хæс æххæстгæнгæйæ йæ цард чи радта, уыдоны нæмтæ æрымысыдысты иу минут æдзæмæй алæугæйæ. Владимир Майстренко куыд фæбæрæг кодта, афтæмæй æфсæддон хайады службæгæнджытæ сæ куыст кæнынц бæрзонд æмвæзадыл. Адæмы`хæсн сабырдзинады фæдыл æнтыстджынæй сæ хæс æххæст кæнынц. Уæлдай хузыдæр йæ арæхсдзинад чи равдыста, уыдон схорзæхджын кодтой кадджын хæрзиуджытæй æмæ кады гæххæттытæй. Бæрæгбоны мадзал срæсугъд кодта авиашоу. Уæрæсейы гвардийы хæдтæхджытæ равдыстой уæлдæфы куыд арæхсынц, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv