Аив дзырды номыл

Республикон адæмон газет «Рæстдзинад»-ы 95 азы бонмæ Дзæуджыхъæуы сарæзтой Æппæтадæмон конференци «Национ мыхуыры уавæр æмæ рæзты фарстатæ». Æрныхас кодтой газетæн ахсджиаг фарстатыл. Арæзт æрцыд газет «Рæстдзинад»-ы, Мыхуыры хъуыддæгты æмæ дзыллон коммуникациты комитеты минæвæртты æмгуыстады руаджы. Конференцийы архайдтой Цæгат Кавказы регионты минæвæрттæ, Мæскуы æмæ Белоруссийæ уазджытæ. Национ мыхуыры уавæр бонæй-бонмæ гæвзыккдæр кæй кæны, уый бирæтæ зонынц. Форуммæ чи сæмбæлд, уыдон фæнысан кодтой ахæм къуырдзæвæнæй рацæуыны мадзæлттæ дæр. Скодтой пайдайаг æмæ ахадгæ докладттæ, чи ма раныхас кодта, уыдон та сæ хъуыдытæ загътой мыхуыр парахат кæныны мадзæлтты фæдыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv