Хур йæ цæст ныкъулы

Абон уыд 13-æм июль, майрæмбон. Бирæтæ ахæм æмбаст хонынц æвзæр рæстæг. Ома, дам, хорзæй мацæмæ `нхъæлмæ кæс. Нæ йæ зонæм, цас раст хъуыды у уый, фæлæ абон нæ планетæйыл æрцыдис Хурдалынг. Æрмæст æй уынгæ фæкодтой Австралийы горæт Мельбурны, Тасманийы сакъадахыл æмæ Антарктидæйы. Пингвинтæ, æвæццæгæн, цинæй амардысты, кæнæ та тæрсгæ фæкодтой. Бафтаудзыстæм ма уый, æмæ ацы аз дыккаг Хурдалынг уыдис. Æртыккаг уыдзæн 11-æм августы. 13 нымæц æмæ майрæмбон куы баиу вæййынц, уæд ахæм рæстæджыты Хурдалынгтæ ноджы стæмдæр хатт фенæн ис. Фæстаг хатт Зæххы къорийы цæрджытæ уымæн æвдисæн уыдысты 1974-æм азы декабры. Иннæ хатт ахæм астрономион фæзынд уыдзæн 2080-æм азы сентябры. Уыцы-иу рæстæг ма не `мдзугæнæг Мæй дæр йæ бæттæнтæй цыма феуæгъд, афтæ дардта йæхи. Бавдæлд, æмæ нæ планетæмæ 30 мин километры æрбахæстæгдæр. Уый тыххæй зындис, æрвылхатт цæйас вæййы, уымæй егъаудæр. 27-æм июлы та Мæй йæхæдæг амбæхсдзæн Зæххы аууоны фæстæ. 103 минуты бæрц уыдзæнис нæ планетæйы уацары. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv