Республикæйы хицауад сбуц кодта, хорз бæрæггæнæнтимæ йæхи чи равдыста, уыцы фæсивæды

Республикæйы хицауад сбуц кодта, хорз бæрæггæнæнтимæ йæхи чи равдыста, уыцы фæсивæды. Нæ республикæйы 6 студенты уæлдæр æмæ астæуккаг ахуыргæнæндæттæй схорзæхджын сты Хъæбæлоты Билары номыл стипендийæ. Æдæппæттæй сæ курдиæттæ балæвæрдтой 60 ахуырдзауы.  Ахæм хатдзæгмæ `рцыдысты, Тускъаты Таймураз кæй амыдта, уыцы æмбырды. Алы мæй æхцайы фæрæзтæ исдзысты Абайты Алинæ, Надежда ГерасимЕнко, Хацырты Алисæ æмæ Регинæ, Марина Гречева, стæй Тотиты Давид. Ахæм преми лæвæрд цæуы, ахуырадон, наукон-иртасæн æмæ аивадон æнтыстыты тыххæй. Стипендийы бæрц у 10 мин сомы. Лауреаттæн æй фиддзысты иу ахуырадон аз. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv