Адæмон фыссæг - адæмæй

Ирон филологийы факультетмæ абон æрбахуыдтой, Агънаты Гæстæны сфæлдыстад зæрдæйæ чи уарзы, уыдоны. Афтæ фыссæгæн – йæхи дæр. Ирон аив дзырды куырдадзы студенттæ сæхи зæрдиаг æмæ бæстон бацæттæ кодтой. Радзырдтой Гæстæны царды хабæрттæ. Æрбацæуджыты зæрдыл æрлæууын кодтой Гæстæны сфæлдыстады тыххæй арфдæр хъуыдытæ. 2013-æм азы фыссæг рауагъта роман «Темыры кæстæр чызг». Критиктæ æмæ йын литературæуарзджытæ стыр аргъ скодтой. Фембæлды раныхас кодтой Цгъойты Хазби, Тъехты Тамерлан, Хъулаты Земфирæ æмæ Гасанты Валерий. Ахæм фембæлд фыццаг хатт арæзт не `рцыд. Ирон филологийы цы `гъдау ныффидар, уый студенттæ æмæ сæ ахуыргæнджытæ дарддæр æнтысджынæй хæссынц. Хæстæгдæр рæстæг мыхуыры рацæудзæн ирон фысджыты тыххæй ног чиныг. Уый пайда уыдзæн мадæлон æвзаг æмæ литературæйы ахуыргæнджытæн. Ног чиныгæн разныхас ныффыста Хозиты Барис. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv