Дунеон экономикон бастдзинад

Сочийы райдыдта инвестицион экономикон форум. Ацы аз æм ссыдысты 65 бæстæйы, се хсæн Испанийы, Амерычы, Австрийы, Японийы, Францийы, Турчы компаниты минæвæрттæ. Æдæппæтæй 2000 адæймагæй фылдæр. Ацы аз форумы фылдæр æргом аздахдзысты фидæны куыстмæ. Программæмæ гæсгæ кусдзысты 3 тематикон фæзы æмæ ныхас кæндзысты регионалон политикæйыл, амалхъомдзинады рæзтыл, стæй адæмы царды хæрзхъæддзинад фæхуыздæр кæныныл. Нæ республикæйы делегацийы уæнгтæ бацæттæ кодтой æмæ се ппæты зонгæ кæнынц республикæйы туризмимæ, хъæууон хæдзарадимæ æмæ промышленностимæ баст ног инветицион проекттимæ. Форум кæд цалдæр сахаты размæ райдыдта, уæддæр ныридæгæн нæ республикæйы минæвæрттæ бафыстой цалдæр бадзырды. Форумы рæстæг ма Цæгат Ирыстон æмгуыстады бадзырдтæ бафысдзæн Æфснайæн банкимæ, паддзахады æмæ амалхъомдзинады рæзты национ центримæ æмæ Карелийы хицауадимæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv