Дзанайты Барис уыд æмбырд Цæгат Ирыстоны хицауады уæнгтимæ

Республикæйы хицауады сæрдар Дзанайты Барис æрныхас кодта министртимæ, нæ бæстæйы президенты уынаффæтæ куыд æххæстгонд цæуынц, национ проекттæ æмæ паддзахадон программæты куыст, Запорожьейы облæсты Черниговы районæн æххуыс кæнын, стæй æхсæнадон бæстыхæйттæ аив кæныныл. Архайд куыд цæуы ацы фарстатыл, уый тыххæй радзырдтой бæрнон кусджытæ. Республикæйы культурæйы министрад цæттæ кæны техникон хæслæвæрд Беслæны фыццæгæм скъолайы æппæтадæмон культурон-патриотон центры экспозици саразынæн. Семæ æмгуыст кæны æхсæнадон организаци "Беслæны мадæлтæ". Зæххлæбырдтæй тæссаг рæтты чи цæры Мæздæджы районы, уыдоны æдас ранмæ раивыны тыххæй фæрæзтæ радих кæнынæн курдиаттæ æрвыст æрцыдысты Мæскуымæ. Дзанайты Барис бабар кодта æххæстгæнæг органты разамонджытæн æппынæдзух кæсын, национ проекттæ æмæ паддзахадон программæтæ куыд æххæстгонд цæуынц, уымæ.