Станицæ Черноярскаяйы сарæзтой ног скъола
Ацы сабитæн ныр скъолайы агъуыстыты сæ уæнгтæ аивазыны фадат фæцис. Раздæры скъолайы къуындæг кабинеттæ фæсте аззадысты. Ахуыртæ цыдысты дыууæ фæлтæрмæ гæсгæ. Æдæппæтæй 140 сывæллоны. Ӕмӕ кæд уый бирæ нæу, уæддæр сын бынат нæ фаг кодта. Уыимæ ма сæ-иу райсомы æмæ сихоры хæрд кæнынмæ ластой хæрæндонмæ хъæуы кæронмæ. Ныртæккæ æппæт гæнæнтæй дæр æххæст. Сабитæ сæхи хæрæндоны адджынæн бахæрынц æмæ дарддæр уроктæм алидзынц. Хæрæндоны алцыдæр дзуапп дæтты нырыккон домæнтæн. Хойрæгтæ – сæрмагонд æвæрæн бынæтты. Хорз уавæртæ ис хæринаггæнджытæн дæр. Сарæзтой сын уæлæдарæс ивæн æмæ химæ зилæн уаттæ. Урокты фæстæ та – уæлæмхасæн ахуыртæ. Æрдззонынад, куклаты театр, музыкалон къордтæ. Зæронд скъолайы актон зал нæ уыд. Ныр ам фæзынд райдзаст агъуыст. Залы æппæт уавæртæ дæр ис, йе 'нæниздзинад хъыгдæрд кæмæн у, уыцы сывæллæттæн. Уæладзгуыты 'хсæн сын сæвæрдтой лифт. Скъолайы директор Къибирты Людмилæ куыд радзырдта, афтæмæй ам сабитæн æппæт гæнæнтæ дæр ис. Республикæйы ахуырады министрады хъæппæрисæй ацы скъолайæн радтой Константин Ушинскийы ном. Ацы аз нымад у ахуыргæнæг æмæ зондамонæджы азыл. Уыимæ ма 200 азы æххæст кæны Константин Ушинскийы райгуырдыл. Мах сæрыстыр стæм, ахæм ахсджиаг аз дарддæр кæй хæссæм ахуырады хуыздæр традицитæ. Фæзынд ма дзы "Рæзты тæлм". Ифтонггонд у æппæт хъæугæ кусæнгæрзтæй. Ныр хими, физикæ æмæ биологи ахуыр кæнæн ис арфдæрæй. Зæгъӕм, микроскопты руаджы раиртасæн ис бактеритæ. Уыимæ ма практикон ахуырты рæстæг бакусæн ис цавæрдæр ногдзинадыл. Зæронд скъолайы нын æппындæр уавæртæ нæ уыд. Нæ уыдыстæм æххæст техникæйæ дæр. Ныр скъола ифтонггонд у æппæты нырыккондæр кусæнгæрзтæй. Сæ руаджы нæхи цæттæ кæндзыстæм фæлварæнтæм. Ахæм гæнæнтимæ райдзыстæм хорз бæрæггæнæнтæй. Райдиан кълæсты ахуырдзаутæн фæлварæнтыл хъуыды кæнын нырма раджы у. Фæлæ зæрдиагæй архайынц скъолайы спортивон клубы. Уæлдайдæр лæппутæ. Зæронд бæстыхайы спортивон зал нæ уыд. Ныр ам бæстыхаимæ фæзынд футболон, баскетболы æмæ волейболон фæзтæ. Черноярская чысыл станицæйæн ахæм скъолайы фæзынд æцæг стыр лæвар у. Арæзт æрцыд национ проект "Ахуырад"-ы фæлгæты. Ныртæккæ ам рохуаты баззадысты æппæт къуылымпыдзинæдтæ дæр. Скъолайы фаг ис ахуыргæнджытæ дæр. Сывæллæттæ тынг разы сты ахæм хорз уавæртæй. Ныфс дӕттынц, ног скъолайы æрмæст хорз бæрæггæнæнтæ кæй исдзысты, уымæй.
Ацы сабитæн ныр скъолайы агъуыстыты сæ уæнгтæ аивазыны фадат фæцис. Раздæры скъолайы къуындæг кабинеттæ фæсте аззадысты. Ахуыртæ цыдысты дыууæ фæлтæрмæ гæсгæ. Æдæппæтæй 140 сывæллоны. Ӕмӕ кæд уый бирæ нæу, уæддæр сын бынат нæ фаг кодта. Уыимæ ма сæ-иу райсомы æмæ сихоры хæрд кæнынмæ ластой хæрæндонмæ хъæуы кæронмæ. Ныртæккæ æппæт гæнæнтæй дæр æххæст. Сабитæ сæхи хæрæндоны адджынæн бахæрынц æмæ дарддæр уроктæм алидзынц. Хæрæндоны алцыдæр дзуапп дæтты нырыккон домæнтæн. Хойрæгтæ – сæрмагонд æвæрæн бынæтты. Хорз уавæртæ ис хæринаггæнджытæн дæр. Сарæзтой сын уæлæдарæс ивæн æмæ химæ зилæн уаттæ. Урокты фæстæ та – уæлæмхасæн ахуыртæ. Æрдззонынад, куклаты театр, музыкалон къордтæ. Зæронд скъолайы актон зал нæ уыд. Ныр ам фæзынд райдзаст агъуыст. Залы æппæт уавæртæ дæр ис, йе 'нæниздзинад хъыгдæрд кæмæн у, уыцы сывæллæттæн. Уæладзгуыты 'хсæн сын сæвæрдтой лифт. Скъолайы директор Къибирты Людмилæ куыд радзырдта, афтæмæй ам сабитæн æппæт гæнæнтæ дæр ис. Республикæйы ахуырады министрады хъæппæрисæй ацы скъолайæн радтой Константин Ушинскийы ном. Ацы аз нымад у ахуыргæнæг æмæ зондамонæджы азыл. Уыимæ ма 200 азы æххæст кæны Константин Ушинскийы райгуырдыл. Мах сæрыстыр стæм, ахæм ахсджиаг аз дарддæр кæй хæссæм ахуырады хуыздæр традицитæ. Фæзынд ма дзы "Рæзты тæлм". Ифтонггонд у æппæт хъæугæ кусæнгæрзтæй. Ныр хими, физикæ æмæ биологи ахуыр кæнæн ис арфдæрæй. Зæгъӕм, микроскопты руаджы раиртасæн ис бактеритæ. Уыимæ ма практикон ахуырты рæстæг бакусæн ис цавæрдæр ногдзинадыл. Зæронд скъолайы нын æппындæр уавæртæ нæ уыд. Нæ уыдыстæм æххæст техникæйæ дæр. Ныр скъола ифтонггонд у æппæты нырыккондæр кусæнгæрзтæй. Сæ руаджы нæхи цæттæ кæндзыстæм фæлварæнтæм. Ахæм гæнæнтимæ райдзыстæм хорз бæрæггæнæнтæй. Райдиан кълæсты ахуырдзаутæн фæлварæнтыл хъуыды кæнын нырма раджы у. Фæлæ зæрдиагæй архайынц скъолайы спортивон клубы. Уæлдайдæр лæппутæ. Зæронд бæстыхайы спортивон зал нæ уыд. Ныр ам бæстыхаимæ фæзынд футболон, баскетболы æмæ волейболон фæзтæ. Черноярская чысыл станицæйæн ахæм скъолайы фæзынд æцæг стыр лæвар у. Арæзт æрцыд национ проект "Ахуырад"-ы фæлгæты. Ныртæккæ ам рохуаты баззадысты æппæт къуылымпыдзинæдтæ дæр. Скъолайы фаг ис ахуыргæнджытæ дæр. Сывæллæттæ тынг разы сты ахæм хорз уавæртæй. Ныфс дӕттынц, ног скъолайы æрмæст хорз бæрæггæнæнтæ кæй исдзысты, уымæй.