Æрыгон амалхъом адæймæгты æмбырд

Дзæуджыхъæуы арæзт æрцыд æрыгон амалхъом адæймæгты æмбырд. Архайдтой дзы 100 æрыгон адæймагæй фылдæр. Æнтыстджын бизнесментæ фембæлдысты студенттимæ, радзырдтой сын сæ фæлтæрддзинады æмæ, сæ къухы куыд бафтыдысты се ‘нтыстдзинæдтæ, уый тыххæй. Амалхъом адæймæгтæ сарæзтой мастер-класстæ, радзырдтой, бизнесы цавæр ногдзинæдтæ фæзынд, уый тыххæй æмæ студентты фæрстытæн бæстон дзуæппытæ радтой. Мадзалы ма арæзт æрцыд чысыл æркаст дæр. Студенттæ равдыстой 10 проектты. Уыдысты алыхуызон: фæсивæдон кафейæ дзаумæтты дуканийы онг. Проект равдисыны тыххæй алкæмæн дæр лæвæрд уыд 5 минуты. Уæ зæрдыл уын æрлæууын кæндзыстæм, æрыгон амалхъом адæймæгты æмбырдтæ арæзт æрцыдысты Уæрæсейы 28 горæты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv