Цæгат Ирыстоны пысылмæттæ бæрæг кæнынц Рамаданы мæйы кæронбæттæн

Пысылмон диныл хæст адæм бæрæг кæнынц сæ сæйрагдæр бæрæгбæттæй иу — Ураза-Байрам. Ацы бон фæвæййы цытджын комдарæны мæй Рамадан. Ураза-Байрам у сыгъдæг уды бæрæгбон. Адæм кæрæдзимæ цæуынц уазæгуаты, æвæрынц бæркадджын фынгтæ. Æгъдаумæ гæсгæ æххуыс кæнынц фæкæсинаг бинонтæн дæр. Уырнæг адæм ком дардтой 30 боны. Дины нысанмæ гæсгæ, йæ мидис æрмæст уый нæу, æмæ адæм нæ хæрынц, фæлæ, фыццаджыдӕр, йæ фæрцы сыгъдæгдæр кæнынц сæ миддуне, се 'нкъарæнтæ, сæ хъуыдытæ. Ураза-Байрам у нæ бирæнацион республикæйы цæрджыты иугæнæг бæрæгбæттæй иу. Арфæйы ныхæстæ уырнæг адæмæн ракодта республикæйы сæргълæууæг Сергей Меняйло.