Æхсызгон хабар

Хъыгагæн,ныры рæстæг йе`нæниздзинад кæмæн фæцудыдта, растдæр зæгъгæйæ та. хъусæй æвзæр чи хъусы, уыдон стæм не`мбæлынц. Уымæ гæсгæ ахæм рынчынты уавæр фæрогдæр кæнынæн аразынц алыхуызон аппараттæ. Уыдонæй иу у-кохлеарон имплант. Йæ фæрцы адæймаг хъусын райдайы. Æрмæст операцийы фæстæ имплант куыд кусы, уымæ æппынæдзух хъæуы цæст дарын. Хорз ма уый у, æмæ иу кæд раздæр Цæгат Ирыстоны цæрджыты специалисты æххуыс райсынæн æндæр горæттæм цæуын хъуыд, уæд сын ныр ахæм гæнæнтæ ис нæ республикæйы дæр. Хæрз чысыл гæрз. Фæлæ цас æхсызгондзинад хæссы хъусæй æвзæр чи хъусы, уыцы рынчынтæн. Кохлеарон имплант банымайæн ис стыр ахадындзинад кæмæн ис, ахæм æрхъуыдыдзинадыл. Ацы протез хирургтæ сфидар кæнынц адæймаджы сæры къуыдырыл æмæ йæ фæрцы адæймаг хъусын райдайы. Зæгъæм, 2004 азæй абоны онг, Цæгат Ирыстоны ахæм импланттæ сфидар кодтой 67 адæймагæн. Операци аслам нæу, фæлæ йæ скæнæн ис паддзахадон квотæйы фæрцы. Фæлæ, операци скæнын уый æрмæстдæр иу хатт у. Бæлвырд æмгъуыдмæ аппаратæн йæ куыст хъæудзæн бæрæг кæнын. Цæмæй йæм базилай, уымæн сахаты бæрц бахъæудзæн .Имплант компьютеримæ баиу кæнынц æмæ йæ хæйттæ куыд кусынц, уый сбæрæг кæнынц. Специалист та сæрмагонд мадзæлтты фæрцы фæбæрæг кæны адæймаг дзы куыд хъусы, уый. Райдайы хуымæтæг хæслæвæртæй. Раздæр иу специалистмæ хъуыд Мæскуымæ кæнæ та Петербургмæ цæуын. Фæлæ цалдæр азы размæ фадат фæци дохтыртимæ баныхас кæнын æмæ афæдз иу хатт дохтыртæ цыдысты нæ республикæмæ. Фæлæ ныр уавæр аивдзæн. Цæгат Ирыстоны цæрджыты æнцойдзинадæн нæ республикæйы æдзух кусдзæн сæрмагонд специалист. Фæнысан кæнын хъæуы уый, æмæ æппæт Цæгат Кавказы иунæг уыдзæн. Елена Михайлиди сæрмагонд ахуыртæ ацыд Уæрæсейы Медицинон академийы, райста дзы импланттимæ кусынæн бадæттæг æвдисæндар. Елена Михайлиди: «Цæгат Ирыстоны фæзынд специалист. Уый æнæмæнг баххуыс кæндзæн кохлеарон имплантæй пайда кæнгæйæ цыдæр зындзинæдтæ чи взара,уыдонæн. Ома, кæм йемæ архайынмæ чи нæ сарæхса, кæм та йын æмбæлгæ хæйттæ ссарынæй чи фæтыхса, уыдонæн. Мах æппæт уыцы фарстатыл бакусæм. Сбæрæг кæнæм гæрзы æддаг æмæ мидæггаг хæйттæ куыд кусынц,уый. Афтæмæй рынчынты цардыуаджы, æмæ куыд хъуысы, уый дæр кæны хуыздæр». Рынчынтæн баххуыс кæнынæй зæрдæ бавæрдтой хъусæй æвзæр хъусын чи райдыдта, ахæм рынчынты æхсæнад "Мырты дуне"-йы минæвæрттæ. Æххуыс канд паддзахадон лæггæдты тыххæй информацийы хуызы нæ уыдзæн, фæлæ ма сæм фæкæсдзысты æппæт уыцы лæггæдтæ райсынæн дæр. Уый та уый тыххæй æмæ ацы иугонды чи ис, уыдоны стыр æнгом бинонты хуызæн сты. Цæгат Ирыстоны специалисттæ пайда кæнынц ног технологитæй. Архайынц æвзæр хъусын чи райдыдта, уыдонæн цæрынæн æмбæлгæ уавæртæ саразыныл, бакуыстой сæрмагонд системæйыл. Фæнысан кæнын хъæуы уый, æмæ ахæм рынчыты магъз æндæрхуызон фæкусы, реабилитацийæн та иу æмæ дыууæ боны нæ бахъæуы. Уæдæ дзы бакусинæгтæ дæр гыццыл нæ вæййы. Æппæт уыцы хъуыддæгты Цæгат Ирыстон иннæ регионтæн дæнцæгæн хæссинаг у. Роман Кудренко: «Махмæ ис бирæ социалон хорздзинæдтæ, уый æрмæстдæр Цæгат Ирыстоны. Нæ сывæллæттæ ифтонг сты хæрды элементтæй, хъусыны фадæттæ сын цы системæтæ рогдæр кæнынц,ахæмтæ,сарæзтам ахæм рынчынтæн рæстæгмæ кæм фæуой, ахæм къордтæ, уым райсынц æмбæлгæ æххуыс. Æнæниздзинад хъахъхъæныны системæ æнæкъуылымпыйæ кусы..Уæдæ сывæллæттæ реабилитаци дæр ацæуынц. Уæрæсейы фæллойы министрады специалистты ныхæстæм гæсгæ, Цæгат Ирыстон у дæнцæгæн хæссинаг. Уый æхсызгон у. мах ногдзинад у, мах æй æрхъуыды кодтам, ныр та йæ æппæт Уæрæсейыл дæр парахат кæндзыстæм». Нартæккæ уал кохлеарон имплантимæ кусæг специалисты консультаци хи клиникæтæй иуы райсæн ис. Æхсæнад "Мырты дуне"-йы уæнгтæ бацархайдтой, цæмæй ацы клиникæйы цы лæггæдты аргъ зынаргъ ма уа. Уыимæ зæрдæ дарынц, ацы специалист тагъд рæстæджы æнæниздзинад хъахъхъæнынады системæйы кусын кæй райдайдзæн, ууыл. Уæд æвзæр чи хъусы, уыцы сывæллæттæн ацы лæггæдтæ уыдзæн лæвар райсын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv