Дзæуджыхъæуы сбæрæг сты республикон кубок футболæй рамбулыны хъæзтыты уæлахиздзау

Дзæуджыхъæуы уыд республикæйы кубок футболæй рамбулыны кæронбæттæн хъазт. Архайдтой дзы футболон клуб «Дигора» æмæ клуб «Ирыстоны уарт» Дзæуджыхъæуæй. Кубок райсыныл æрвылаз фæтох кæнынц республикæйы фыццаг æмæ уæлдæр лигæйы командæтæ. Æдæппæтæй вæййынц 34 клубы. Сæ арæхстдзинад дзы февдисынц районты курдиатджын фæсивæд. Сæйраг кубокы финалон хъазт сарæзтой «Юность»-ы скъолайы фæзыл. Фембæлд рауад зæрдæмæдзæугæ. Турниры уæлахиздзау ссис командæ «Ирыстоны уарт». Сæ ныхмæлæууæгыл пенальтитæм гæсгæ фæуæлахиз сты 3:1 хыгъдимæ. Уæлахиздзаутæн арфæ ракодта «Алания Владикавказ» командæйы президент Гæбулты Владимир. Куыд фæнысан кодта, афтæмæй фидæн азы турнир ноджы цымыдисагдæр уыдзæн. Уымæй уæлдай ма сбæрæг кодтой чемпионаты хуыздæр спортсменты. Турниры уæлахиздзауты схорзæхджын кодтой майдантæ æмæ зæрдылдарæн лæвæрттæй. Йæ аразджытæ куыд зæгъынц, афтæмæй футболы руаджы æрыгон фæлтæр æнгомдæр кæнынц æнæниз цардыуагмæ. Мадзал аразæг у Цæгат Ирыстоны футболы федераци. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv