Ног æфсæнвæндаг

Трамвайы рельсытæ Дзæуджыхъæуы сентябры кæронмæ ивд æрцæудзысты. Къостайы проспекты уынджы куыстытæ афойнадыл хъуамæ фæуой. 30 азы рельсытæм æвналгæ дæр ничи бакодта. Ныр цы уаддзаг ивынц, уый дæргъ у 700 метры. Æдæппæтæй фæндæгты цалцæгыл бахардз кæндзысты 40 милуан сомы. 20 сентябры нысан кæнынц ногарæзт фæндагмæ фыццаг трамвай рауадзын. Йæ руаджы рабæрæг уыдзæн, рельсытæ цас хъæрзхъæд æвæрд æрцыдысты, уый. Дзæуджыхъæуы фæндаггон фонды дирекцийы минæвары ныхæстæм гæсгæ, фæндæгтæ сæ зæрды баивын ис Турбазæйы онг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv