Այսօր Մարտունի համայնքի ղեկավար Հովհաննես Հովեյանը ընդունեց Մարտունու մարզադպրոցի բռնցքամարտի սաներին, որոնք 2022թ-ին ՀՀ տարբեր տարիքային առաջնություններում հաղթող և մրցանակակիր են դարձել նաև Եվորպայի և միջազգային ռինգերում բարձր են պահել համայնքի անունը: Պարոն Հովեյանը շնորհավորեց մարզիկներին, մարզիչներին և մարզադպրոցի տնօրենին բարձր արդյունք ցուցաբերելու համար և շնորհակալագրերով պարգևատրեց նրանց: Գեղարքունիքի մարզի բռնցքամարտի ֆեդերացիայի նախագահ Գևորգ Սարգսյանը շնորհակալություն հայտնեց համայնքապետից մշտապես մարզիկներին ուշադրության կենտրոնում պահելու կապակցությամբ և ներկայացրեց առաջիկայում Մարտունի համայնքում անկացվելիք ավանդական բռնցքամարտի միջազգային կարգի առաջնության վերաբերվող հարցեր: Հանդիպման վերջում պարգևատրվեցին ՀՀ առաջնության չեմպիոններ Նարեկ Զախարյանը և Լիլիթ Ասատրյանը, ՀՀ առաջնության մրցանակակիրներ Կարեն Զախարյանը և Նվեր Բարոյանը: