Алæмæты дыргъдон

Цæгат Ирыстоны хъæууон хæдзарадæн фæфылдæр уыдзæн паддзахадон æххуыс. Профилон министрады куыд хъусын кæнынц, афтæмæй фæрæзты бæрц ацы аз хъуамæ уа 1 миллиард сомæй фылдæр. Уæлдай æргом фæнд кæнынц аздахын дыргъдæттæ фылдæр кæнынмæ. Бæрæггæнæнтæм гæсгæ, ацы къабазы 600 гектарыл ныссаддзысты цалдæр азы чи зайдзæн ахæм бæлæсты талатæ. Уымæн радих кæндзысты 2 мин гектарæй фылдæр зæххытæ. Ныридæгæн дæр, дыргъты æмæ халсарты куыст парахат кæны нæ республикæйы алы районты. Зæгъгæм, Æрæфы. Нæ уацхæссæг Къуымæлæгкаты Фатимæ абон абалц кодта Дыгургомы рдæм æмæ федта, ног дыргъдæтты куыст куыд цæуы, уый. Дæттæм ын ныхасы бар. Цæгат Ирыстоны хъæууон -хæдзарадон куыстытæ кæнынæн ис бирæ зæххытæ. Фæллойгæнæг фермертæн æххуыс кæнынц федералон программæты руаджы. Дыгуыры районы 40 гектарыл апарахат сты ног дыргъдæттæ. Сæ хицау – Езеты Аслæнбег. Зæххы куыст уарзы æмæ йыл зæрдиагæй архайы бирæ азты. Фыццаг дыргъдоны фæзуат 1 гектар еддæмæ нæ уыди. Ныр та йæм алы аз дæр æфтауынц 5 гетарæй - 10 онг. Дыргъдæтты абон зайы 30 хуызы фæткъуытæ, кæрдотæ, члауитæ, балтæ. Ныртæккæ кусджытæ садзынц ног бæлæстæ. Æртæ-цыппар азы фæстæ уыдзæн æрæмбырд кæнын фыццаг тыллæг дæр. Быдыры куыст æнцон нæу. Фæлæ ам чи фæллой кæны, уыцы адæм сæ кустæй разы сты. Зæрдæхæларæй цы дыргътæ сзайын кæнынц, уыдонæн сæ ад дæр æндæр вæййы, зæгъынц кусджытæ. Фидæнмæ бирæ пълæнттæ ис – фыццаджыдæр дыргъдæтты фæзуат дзæвгар фæфылдæр кæнын. Уымæ гæсгæ, бабирæ уыдзæн тыллæг дæр. Тагъд рæстæг та Ирыстоны дыргътæ апарахат уыдзысты нæ республикæйы арæнтæй дарддæр дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv