Фыццаг хатт бæрæг кæнынц пациенты æдасдзинады бон

Абон, 17-æм сентябры æппæт бæстæйы цæрджытæ фыццаг хатт бæрæг кæнынц пациенты æдасдзинады бон. Бафыстой йæ 25-æм майы æнæниздзинады æппæтдунеон ассамблейы. Бæрæгбоны сæйраг нысан у – адæм пациенты æдасдзинадыл куыд хъуыды кæной.  Уыимæ æрмæст пациенттæ нæ, фæлæ сæ хиуæттæ, хæстæджытæ æмæ сæ бартæ хъахъхъæнæг куыстуæттæ. Ныртæккæ пациенты æдасдзинад баст у медицинон фыццаг æххуысы лæггадимæ. Раззагдæр специалистты ныхæстæм гæсгæ, алыхуызон бæстæты ахæм фыццаг медицинон æххуысы рæстæг алы 10-æм пациент хъыгдард баййафы. Æнæниздзинады къабазы цæстдарды федеральнон службæйы бацæттæ кодтой бæрæгбонмæ мадзæлтты пълан. Ацы аз йæ сæргонд у «Культура безопасности – ответственность каждого», зæгъгæ. Уый фæлгæты æппæт бæстæйы ацыдысты пресс-конференцитæ, брифингтæ æмæ дæсныйад æвдисæн ахуыртæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv