Цæгат Ирыстоны цæрджытæн ис коронавирусы низы фæстæ лæвар реабилитаци ацæуыны фадат

Коронавирусы низы фæстиуджытæ аиуварс кæнын æмæ æнæниздзинад фæхъæддыхдæр кæнын. Æмбæлгæ уавæртæ пациенттæн фæзынд республикæйы санаториты. Реабилитаци цæудзысты 12 боны дæргъы. Дзæбæхгæнæндæтты фадӕттӕ федта регионы хицауады сæрдар Дзанайты Барис. Коронавирусæй чи сдзæбæх, уыдонæн се 'нæниздзинад фæхъæддыхдæр кæныны фадат ис санаторитæ «Сосновая роща» æмæ «Осетия»-йы. Ам пациенттæм æстон кӕсынц ӕмӕ сӕм хорз зилынц. Хостæй уæлдай æрбылбон физиотерапийæ, се уæнгтæ сын змæлын кæнынц. Уымæй уæлдай æрвылбон семæ кусы клиникон психолог. Ацы санаторийы бацæттæ кæндзысты 80 бынаты. Цæрджыты дзæбæх кæндзысты лæвар. Хицауады сæрдар Дзанайты Барис дзæбæхгæнæндоны цæттæдзинад федта йæхæдæг. Программæмæ гæсгæ, реабилитаци цæудзысты 12 боны. Дзæбæхгæнæн терапийæмæ æрвысты гæххæт райсæн ис поликлиникæйы терапевтæй. Премьер бабæрæг кодта санатори «Осетия» дæр. Ныртæккæ дзы сæрмагонд программæмæ гæсгæ сæхи дзæбæх кæнынц Ессентукийы, Краснодары æмæ æндæр регионты цæрджытæ. Хæцгæ низæй чи сдзæбæх æмæ 18 азæй фылдæр кæуыл цæуы, уыдонæн сæ бон у программæмæ гæсгæ се 'нæниздзинад санаториты фæхуыздӕр кæнын. Дзæдзойты Фатимæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv