Цæгат Ирыстоны прокуратурæ Елхоты рабæрæг кодта закъонхæлдтытæ

Йæ алыварс нæ дæр обæуттæ ис, нæ дæр æмбæлгæ иуварсгæнæн къæхтытæ. Уæдæ зæхх кæй бæрны ис, уый дæр бæрæг нæу. Кировы районы прокурор уый тыххæй бахъаст кодта тæрхондонмæ. Нæ уацхæсджытæ дæр фарстамæ æркастысты. Байхъусæм сæм. Елхоты ахæм адæймаг нæй æмæ мæнæ ацы бынат чи нæ зоны. Мард цæрæгойты æмбырдгæнæн дзыхъхъ сарæзтой 60-æм азты. Уæдæй нырмæ дзы ницы аивтой. Фæстаг 10 азы ардæм биологон хауæццæгтæ æрбаластой æрмæстдæр 5 хатты. Сты, лабороторон иртæстытæ чи нæ ацыд, ахæм фосы дзидза. Кировы районы станцæйы хицауы ныхæстæм гæсгæ, ацы бынатмæ эпидемийæ рынчын стур ниуы уыд. Фосы уæлмæрд куыд дарын хъæуы, уымæ ис бирæ домæнтæ. Зæгъæ, цы дзыхъхъ дзы ис, уый хъуамæ 10 метрæй къаддæр бынмæ къахт ма уа. Хæстæг хъæуты хсæн та хъуамæ километрæй фылдæр уа. Йæ алыварс - 2 метры забор. Уыимæ ма сæрмагонд арæзтад дæр. 2009 азмæ фосы уæлмæрд уыди районы администарцийы бæрны. Уæд йæ тыхы бацыд районы æмæ хъæуы хсæн цы исбонад ис, уый ныддих кæныны закъон. Уымæ гæсгæ ацы фосы уæлмæрдæн хъуамæ Елхотты администарцийы дзуапп дæттой. Фæлæ ницы. 10 азы йæм кæсæг дæр нæй. Ныр хъуыддагмæ æркаст прокруатурæ дæр. Хъæуы администрацийы ацы фарстайæн дзуапп камерæмæ радтын не сразы сты. Фæлæ ныфс бавæрдтой, фосы уæлмæрд сæ барны тагъд бакæндзысты. Дыууæ къуырийы дам нын радтут. Фæлæ уый фарста кæронмæ нæ алыг кæдзæн. Цæмæй йæ æмбæлгæ сифтонг кæной, уый тыххæй сæм æхцайы фæрæзтæ нæй. Уый та ууыл дзурæг у æмæ прокуратурæ иу æмæ дыууæ хатты не сдзрудзæн ацы хъуыддаджы тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv