7 аздзыд Бикойты Георгийы ног азы бæллиц сæххæст

7-аздзыд Бикойты Георгийы ног азы бæллиц сæххæст. Фæкасти йæм Дзæуджыхъæуы муниципалон сконды сæргълæууæг Икъаты Русланбег. Лæппуйы бæллицы тыххæй базыдта «Елка Желаний», зæгъгæ, æппæтуæрæсеон акцийы куы архайдта, уæд. Бикойты Георгийы цæры Хуссар Ирыстоны. Фæндыди йæ, цæмæй ын велосипед балæвар кæной. Уый бæсты йын Икъаты Русланбег лæварæн æрæрвыста веломобиль. Йæ номæй, чысыл лæппумæ йæ фæхæццæ кодта Муниципалон сконды Æхсæнадон советы уæнг Цæхилты Игорь. Бикойты Георгийы ма фæхуыдтой Цæгат Ирыстоны реабилитацион центр «Ир»-мæ, цæмæй уым йе`нæниздзинад фæдзæбæхдæр кæна. Бикойты бинонтæ, Дзæуджыхъæуы муниципалон сконды разамонæгæн загътой бузныджы ныхæстæ. Куыд фæбæрæг кодтой, афтæмæй ахæм хорздзинад сыл кæй æрцæудзæн æмæ акцийы фыстæгæн исчи дзуапп ратдзæн, уымæ æнхъæлмæ дæр нæ кастысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv