Цæгат Ирыстоны барадхъахъхъæнджыты `хсæн сарæзтой ерыстæ футболæй

Цæгат Ирыстоны сарæзтой футболон турнир барадхъахъхъæнæн кусджыты `хсæн. Æрвылазон ерысты физкультурон-спортивон æхсæнад «Динамо»-йы архайдтой 22 командæйы. Се `хсæн нæ республикæйы мидхъуыддæгты министрад, национ гварди, таможняйы кусджытæ, арæнхъахъхъæнджытæ, æдасдзинады федералон службæ æмæ æнæхъæлæджы цауты министрады кусджытæ. Ерысты сæ спортивон цæттæдзинад равдыстой Хуссар Ирыстоны арæнхъахъхъæнæн управленийы минæвæрттæ дæр. Турнир рауад цымыдисаг æмæ ахаста иу къуыри. Кæронбæттæн хъазты фембæлыдысты нæ республикæйы Мидхъуыддæгты министрады центрон аппарат æмæ 49-æм хицæн бригады оперативон хайады командæтæ. Футболистты тыхтæ рауадысты æмхуызон, фæлæ футболы бардуаг рахæцыд ирыстойнаг Мидхъуыддæгты министрады центрон аппараты фарс. Турниры æвзыгъддæр æмæ рæстдзæвиндæр футболист рауад Сасиаты Сергей. Уæлахиздзауты кубоктæ, майдантæ æмæ Кады гæххæттытæй схорзæхджын кодта республикæйы Мидхъуыддæгты министр Михаил Скоков.фæдыл улæфдзыстæм æртæ боны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv