Арвы гæрах

Фæлæ уал райдайдзыстæм æндæр хабарæй. Цæлыкк та ногæй къæвдайы доны бын фæцис. Тыхджын уарынтæ та æцæг цæугæдæттæй фемæхстысты хъæуы уынгты.  Ныртæккæ цы видеокадртæ уынут, уыдон нын нæ электрон посты адрисмæ æрбарвыстой чысыл раздæр. Куыд зыны, афтæмæй та ивылд дон хъæуы уынгтæ йæ разæй ахаста. Бакалд адæмы хæдзæрттæм, байдзаг сын кодта сæ пъадвалтæ. Цæхæрадæтты сæм цы мæнг муртæ аззад, уыдон дæр та æрдзон фыдбылызы амæттаг фесты. Уæ зæрдыл уын æрлæууын кæндзыстæм уый, æмæ Цæлыккыл арвы дуар йæ тых бавзæрста ныр æртыккаг хатт. Раздæры ивылды рæстæг-иу доны `мвæзад схæццæ метрмæ. Хъæуы цæрджытæ баззадысты æнæ исбонæй. Сæ уавæрмæ сын æркастысты респубикæйы хицауады уæнгтæ. Фæлæ сын æххуыс æххæстæй нæма бакодтой, афтæмæй та адæмыл ног бæллæх æрцыд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv