Къамисæг Ортабайты Тимур Дзæуджыхъæуы къултæ саив кодта архивы къамистытæй

Къамисæг Ортабайты Тимурæн бантыст ног хуызы акӕсын ивгъуыд азтӕм. Дзæуджыхъæуы къултæ саив кодта къамистытæй. «Ныр зæронд Дзæуджыхъæумæ мах нæ кæсæм, фæлæ уый кæсы рæстæджы сæрты махмæ», - афтæ социалон хызæгты ныффыста проекты автор. Советон Цæдисы рæстæджы ист къамтæй æхгæд æрцыдысты Кировы ӕмӕ Чапаевы номыл хидтæ, Яшины, Титовы, Огневы, Революцийы æмæ Баллаты Владимиры номыл уынгты цы пырхгонд къултæ ис, уыдон. Историон нысаниуæг кæмæн ис, уыцы къамтæ исæг уыд репортер Федор Федосеев. Цард Дзæуджыхъæуы 30-æм азты, йæ фæдонтæн ныууагъта стыр архив. Цымыдисаг проектæн аргъ скодтой горæты цæрджытæ. Ортабайты Тимур йæ эксперимент фидæны фæнд кæны апарахат кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv