Рох не сты

Дзæуджыхъæуы Намысы аллеяйы кадджын уавæры байгом кодтой, йæ цард чи нæ бавгъау кодта, мидхъуыддæгты уыцы кусджытæн. Мадзалмæ саккаг кодтой Цæгат Ирыстоны сæргълæууæг Битарты Вячеслав, Хуссар Ирыстоны президент Бибылты Анатолий, мидхъуыддæгты министрады уæнгтæ, ветерантæ æмæ сæ хæстæджытæ. Ацы цыртдзæвæн фарон сфæнд кодтой саразын. Уæдæй нырмæ йыл архайдтой республикæйы хуыздæр архитектортæ. Кæй номыл у, уыдоны хæстæджытæ дæр ацы хъуыддагмæ куыдфæндыйы цæстæй нæ кастысты. Битарты Вячеслав бузныджы ныхæстæ загъта мадзалы уазджытæн. 1919-æм азæй фæстæмæ Намысы Аллея адæмæн рох кæнын нæ уадзы нæ хъæбатыр салдæтты нæмттæ. Мадзалы кæрон республикæйы мидхъуддæгты министр Михаил Скоков Цæгат Ирыстоны хъæбатырты номыл капсулæ бавæрдта. Байгом æй кæндзысты 25 азы фæстæ. Цæгат Кавказы фашисттæй суæгъд кæнын 100 азы юбилейы кады бон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv