Фæсивæдон зиу

Дзæуджыхъæу æгæрон уарзтæй чи уарзы, уыцы фæсивæд базылдысты æмæ бафснайдтой нæ горæты спортивон фæзтæй иу. Ис Доваторы проспекты, 244 бирæуæладзыгон хæдзармæ `ввахс. Спортивон фæз заууатмæ æрцыдис. Зæххыл - авджы сæстытæ, турниктæн æмæ бандæттæн та сæ ахорæнтæ æрмынæг сты. Фæсивæд фæзæн йæ хуыз скалын кодтой. Ныммарзтой йæ, сахуырстой йæ, уæдæ дзы иу авджы саст дæр нал фендзынæ. Уый хъуыддагæн йæ иу хай. Фæсивæды ма фæнды фæзмæ ноджы хуыздæр базилын, цæмæй дзы сывæллæттæ æдасæй хъазой. Акцийы архайджытæ куыд зæгъынц, афтæмæй ууыл хъæуы цæрджытимæ иумæйагæй бакусын. Фæсивæд ахæм куыст фыццаг хатт нæ бакодтой. Проект "Не жди перемен - твори перемены"-йы фæлгæты базылдысты 5 хæдзары кæртмæ. Пъланмæ гæсгæ та ныр Весеннийы уынджы кæрт æфснайдзысты. Ныртæккæ æппæтуæрæсен адæмон фронты архайджытæ аразынц басгæрстытæ, цæмæй, базилын кæмæ хъæуы, уыцы фæзтæ сбæрæг кæной. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv