Зæронд Бæтæхъойыхъæуы Æппæтадæмон акци «Сад памяти»-йы фæлгæты ныссадздзысты 2 мин талайы

2 мин талайы ныссадздзысты акци «Сад памяти»-йы фæлгæты Зæронд Бæтæхъойыхъæуæй рацæуæг Советон Цæдисы хъæбатырты номыл. Æппæтадæмон мадзал арæзт æрцæудзæн 8 апрелы. Зæронд Бæтæхъо Уæрæсейы у иунæг хъæу, 3 хъæбатыры кæм ис - Плиты Иссæ, Ходы Константин æмæ Бзарты Георгий. Уæвгæ, Зæронд Бæтæхъойыхъæуæй уæд хæстмæ ацыд 250 адæймаджы. Уыдонæй фæстæмæ æрыздæхтысты 137-æй. Алы æфсæддоны ном дæр æнустæм куыд баззайа цæргæйæ, ахæм нысанимæ арæзт цæуы акци. Æдæппæтæй нысадздзысты 27 милуан бæласы, Фыдыбæстæйы Стыр хæсты чи фæмард, уыцы хæстонты номыл. Цæгат Ирыстоны та сагъд æрцæудзæн алы бæлæсты хуызты 34 мин 300 талайы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv