Дыгурон паддзахадон драмон театры 25 юбилейон азмæ ацыд спектакль «Медея»

Ирон, Дыгурон, уыимæ Оперæ æмæ балеты театры минæвæртты баиу кодта трагеди «Медея». Грекъаг мифологийы бындурыл æвæрд спектакль адæмы размæ рахастой Дыгурон театры 25 азы юбилеймæ. Грекъаг сахары æлдариуæг кæнынæн, Ясоны хъæуы сгуыхтдзинад равдисын. Баххуыс ын кодта паддзахы чызг Медея. Гадзрахат æмæ фæлывдæй рацыд йæ фыдыл, нывондæн æрхаста йе 'фсымæры. Фæлæ æппынфæстаг, уарзондзинады сæраппонд, цы нывонд æрхаста, уый расайдта уæззау æмæ æбуалгъ фæстиуджытæм. Опера æмæ балеты театры бæстыхайы грекъаг мифилогийы хъайтартæ сдзырдтой иронау. Актертæ бацархайдтой сæ сурæттæ æххæст æмæ мидисджынæй равдисын. Сценæйы астæу — цардæвдисæг хур. Хуры иннæ фарс та сау, æндæр дуне, мæлæт, хин æмæ кæлæн. Спектакль æвæрæг Гæлæуты Анатолий бæстонæй бацыд декорацитæ нывæцгæйæ. Режиссеры ныхæстæм гæсгæ трагеди хуымæтæджы æвзæрст не 'рцыд. Спектакль 3 азы дæргъы нæ бантыст адæмы размæ рахæссын. Фæлæ ныр Дыгурон театры 25 азы равзæрды бонмæ баиу кодта ирон, дыгурон, уыимæ оперæ æмæ балеты театрты актёрты. Куыд фæнысан кодтой, афтæмæй театрдзаутæн тагъд рæстæджы ногæй сæ бон суыдзæн спектакльæн аргъ скæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv