ЦИПУ-йы æфсæддон кафедрæ цæттæ у райсын ахуыр кæнынмæ фыццаг студентты

Цæгат Ирыстоны Хетæгкаты Къостайы номыл университеты æфсæддон кафедрæ цæттæ у райсын ахуыр кæнынмæ фыццаг студентты. Йæ рауагъдонтæн уыдзæн фадат барадхъахъхъæнæн æмæ паддзахадон куыстмæ бацæуын. Уыимæ ма сæ бон уыдзæн контрактмæ гæсгæ æфсæддон службæ кæнын дæр. Ныридæгæн ахуыр кæнынмæ курдиæттæ балæвæрдтой 150 студенты. 20 азы фæстæ кафедрæ ногæй байгом нæ республикæйы. Алы аз ахуыр кæнынмæ исдзысты 90 студенты. Æфсæддон комиссарады медицинон къамисы æркаст чи ацыди, уыцы лæппутæ хъуамæ радтой спортивон цæттæдзинады нормативтæ. Æрыгæттæ хъуамæ физкультурæйы алыхуызон фæлтæрæнтæ сæххæст кæной. Ацы къæпхæны студентты равзардзысты, æмæ сбæрæг кæндзысты, чи сержантыл ахуыр кæндзæн, чи та хуымæтæг салдатыл. Æдæппæтæй курсантты ахуыр кæнын хъæудзæн 2 азы. Уымæй уæлдай ма сæ хъæудзæн ацæуын 30 боны ахуырадон сбортæ. Университеты ис хъæугæ ахуырадон -материалон базæ, цæмæй ахуырады фæтк æмбæлгæ æмбæлгæ æгъдауыл æвæрд æрцæуа. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv