Цæгат Ирыстоны цæттæ кæнынц цæрджыты æппæтуæрæсеон номхыгъд саразынмæ

Цæгат Ирыстоны цæттæ кæнынц цæрджыты æппæтуæрæсеон номхыгъд саразынмæ. Ацæудзæн 1-æм октябрьæй - 30-мæ. Сæйрагдæр мадзæлттæй иу уыдзæн цæрджытæ кæм цæрынц, уый тыххæй бæлвырд информаци сног кæнын æмæ сæ картæмæ бахæссын. Уый тыххæй хъусын кæны Цæгат Кавказы статистикæйы федералон службæ. Ацы мæй, 30 боны æмгъуыдмæ, республикæйы кусдзысты сæрмагон регистратортæ. Уыдоны бæрны уыдзæн, адристы хыгъды цы ивддзинæдтæ æрцыд, уыдон сбæрæг кæнын. Уый фæстæ сæ арвитдзысты бынæттон хиуынафæйады оргæнтæм. Фæбæрæг кæнын хъæуы уый, æмæ регистратортæ Цæгат Ирыстоны хъæутыл кæй æрзилдзысты 19-æм августæй - 17-æм сентябрьмæ. Базонæн сæ уыдзæн æнцон - сæрмагонд уæлæдарæс æмæ хызынæй. Фыст сыл уыдзæн «Цæрджыты æппæтуæрæсеон номхыгъд 2019», зæгъгæ. Уыдзæн ма сæм æвдисæндартæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv