Цæгат Ирыстоны паддзахадон университеты сырæзт фæсарæйнаг студентты нымæц

Цæгат Ирыстоны паддзахадон университеты сырæзт фæсарæйнаг студентты нымæц. Ацы аз ахуыргæнæндоны къæсæрæй бахиздзысты студенттæ - Китай, Камерун æмæ Сенегалæй. Абитуренттæ ахуыр кæндзысты ахуыргæнæг, фармацевт æмæ стоматологы дæсныйæдтыл. Уæлдæр ахуыргæнæндоны пресс- службæйæ куыд хъусын кæнынц, афтæмæй æвзагзонынады къуылымпыдзинæдтæ не `ййафынц. Уый тыххæй фæсарæйнагтæ ахуыртæ ацыдысты цæттæгæнæн хайады. Студенттæ цæрдзысты фыццаг æмдзæрæны. Уымæй уæлдай ма аспиранттæ æмæ стажерты хæдзары. Æмткæй райсгæйæ æрцæуæккаг студентты нымæц фæфылдæр дыууæ хатты. Сæ фылдæр сты Узбекистан, Казахстан, Армени æмæ æндæр бæстæты минæвæрттæ. Ацы аз университетмæ сæ гæххæтытæ балæвæрдтой 108 фæсарæйнаг абитуриенты. Ивгъуыд аз сæ нымæц уыд 67. Курдиæттæ исыны рæстæг фæуыдзæн августы. Фæсаууонмæ ахуырмæ та октябры кæрон. Уымæ гæсгæ ныртæккæ зын зæгъæн у Цæгат Ирыстоны паддзахадон университеты ахуыр кæнын кæй фæнды уыдоны нымæц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv