Фарн! Амонд йемæ!

Бинонты, уарзондзинад æмæ иузæрдиондзинады боны агъоммæ республикон зæрæдты хæдзар «Узæлд»-ы сарæзтой чындзæхсæв. Михаил æмæ Марина Зайчик сæ цард баиу кодтой æмæ сарæзтой чындзæхсæв сæ хиуæтты æмæ æрдхæрдты `хсæн. Алцыдæр рауад, куыд æмбæлы, афтæ - чындзæхсæвы макияж, урс къаба æмæ сиахс костюмты. Ацы ног бинонтæ хæдзары фыццаг не сты. Сæ цард дзы ныридæгæн баиу кодтой 7 къайы. Цæуы сыл 60 азæй фылдæр. Фæлæ ацæргæ адæмы хæдзары директор Хъæцмæзты Фатимæ куыд зæгъы, афтæмæй сын сæ азтæ цæлхдур не сты. Чындзæхсæв саразынæн сын баххуыс кодтой горæты цалдæр куыстуаты. Бæрæгбон ресторанты арæзтæй æвзæрдæр нæ рауад. Æппæт бинонтæн дæр зæрæдты хæдзары хицауад скодта зæрдылдарæн лæвæрттæ. Уæ зæрдыл уын æрлæууын кæндзыстæм, бинонты, уарзондзинад æмæ иузæрдиондзинады боны Уæрæсейы бæрæг кæнынц 8-æм июлы. Баст у Петр æмæ йæ бинойнаг Февронийæйы кадæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv